Contact Us

Use the form on the right to contact us.

You can edit the text in this area, and change where the contact form on the right submits to, by entering edit mode using the modes on the bottom right. 


Reykjavík

Partus Press is an independent publisher based in Reykjavík, Iceland committed to the discovery of contemporary Icelandic and international literature.

Bækur

Greitt í liljum

14_Greittililjum.jpg
14_Greittililjum.jpg
sale

Greitt í liljum

10.99 15.00

1.500 ISK

  • Meðgönguljóð nr: 14
  • Höfundur: Elías Knörr
  • Ritstjórn: Kári Tulinius
  • ISBN: 978-9935-9249-9-5
  • Síðufjöldi: 24
  • Form: Handsaumuð kilja
  • Útgáfudagur: 21. apríl 2016
  • Umbrot: Haukur Pálsson
  • Mynd á kápu: Elín Edda
  • Bókarhönnun: Valgerður Þóroddsdóttir & Haukur Pálsson
Quantity:
Setja í körfu
 

UM BÓKINA


 

Greitt í liljum er önnur ljóðabók Elíasar Knarrar á íslensku og sú 14. í seríu Meðgönguljóða, bókaflokki Partusar helguðum nýjabruminu í íslenskri ljóðlist. Bókin var handsaumuð og gefin út í 200 tölusettum eintökum. Henni var ritstýrt af Kára Tulinius.

Umfjöllunarefni bókarinnar er ást og dauði, en Elías nálgast þessi klassísku viðfangsefni á óvæntan hátt — bókin er full af ævintýralegu náttúrumyndmáli, erótík og svörtum húmor.

 
 

UM HÖFUNDINN


Mynd: © Partus / Gulli Már

Mynd: © Partus / Gulli Már

ELÍAS KNÖRR
ER FÆDDUR 1981 Í CANGAS Í GALISÍU.

Hann yrkir í anda kreasjónismans, heyjar sér orðamöguleika og skyggnist eftir nýjum röddum. Fyrsta bók Elíasar á íslensku, Sjóarinn með morgunhestana undir kjólnum (Stella 2010), vakti mikla athygli og fékk frábæra dóma. Hann hefur gefið út þrjár ljóðabækur á galisísku og hlotið stærstu ljóðaverðlaun heimalands síns fyrir þá þriðju, Bazar de traidores (Svikarabasar), árið 2014. Einstök kvæði eftir Elías hafa einnig birst í kvæðasöfnum bæði hérlendis og erlendis.

 

UMSAGNIR


 

„sá frumkraftur sem felst í þessum samtengdu grundvallarandstæðum, ástinni og dauðanum, sköpuninni og eyðileggingunni, er beislaður í skáldskapnum á frumlegan hátt sem nær að virkja bæði tilfinningarnar og vitsmunina. Ástin, og þá ekki síst kynorkan sem henni fylgir, þráin og löngunin er bæði erótísk og vitsmunaleg þar sem hið líkamlega, hið kynferðislega, merkingarsköpun tungumálsins og ljóðlistin sjálf ganga hver inn í aðra. [...]

Í íslenskri bókmenntasögu vildu einnig „allir Lilju kveðið hafa“ sem varð einhvers konar tákn um hið fullkomna ljóð. Elísas Knörr greiðir hér með liljum og má velta fyrir sér hvort hann ætlar að greiða úr einhverju, greiða götu einhvers eða greiða fyrir eitthvað með ljóðum sínum. En líklega er það allt þrennt og meira til sem ljóðin greiða.“

— Ásdís Sigmundsdóttir / Hugrás

„Ljóðmyndirnar líða fram ein af annarri, margræðar, kynngimagnaðar og bullandi argar. Margræðninni tengd er kannski pólitík erginnar eins og hún birtist hér á sviði textans: ergin er líkt og afl sem grefur undan hefðbundnu boðskiptahlutverki tungumálsins, hlutgervingin og fasisminn í málinu fá ekki hamið hana, nýja lífið sem hún kveikir brýtur sér leið. Þetta eru ljóð sem þurfa ekki að bera pólitík sína utanborðs; þau eru einfaldlega pólitísk í sjálfum sér, vopn sem spretta upp úr jörðinni þegar vorar.“

— Kári Páll Óskarsson / Starafugl

 
 

TENGDAR VÖRUR


 

TENGDAR FRÉTTIR